जनश्रध्दा न्यूज नेटवर्क
मनमाड : अहमदाबाद येथे सुरू असलेल्या कॉमनवेल्थ चॅम्पियनशिप या अंतरराष्ट्रीय वेटलिफ्टिंग स्पर्धेत साईराज राजेश परदेशी याने विक्रमी कामगिरी करत 157 किलो स्नॅच व 191 किलो क्लीन जर्क 348 किलो वजन उचलत सुवर्णपदक पटकावले
पंतप्रधान मोदी यांनी आपल्या मन की बात या कार्यक्रमात साईराज चा गौरव केला होता. साईराजने पुन्हा एकदा आपल्या उत्कृष्ट कामगिरीच्या जोरावर आंतरराष्ट्रीय स्तरावर भारतासाठी 88 किलो ज्युनियर्स मध्ये विक्रमी कामगिरी करीत सुवर्णपदक पटकावले.
साईराज परदेशीला वेटलिफ्टिंग प्रशिक्षक प्रवीण व्यवहारे भारतीय क्रीडा प्राधिकरणाचे आलोकेश बरवा, डी. डी. शर्मा, आंतरराष्ट्रीय प्रशिक्षक तृप्ती पाराशर यांचे मार्गदर्शन लाभले.
जय भवानी व्यायामशाळेचे अध्यक्ष डॉ. विजय पाटील, मोहन गायकवाड, डॉ.सुनील बागरेचा, प्रा. दत्ता शिंपी, पी.जे. दिंडोरकर, सचिव दिनेश धारवाडकर यांनी साईराजचे अभिनंदन केले.
