जनश्रध्दा न्यूज नेटवर्क
मनमाड : शहराचे आराध्य दैवत वेशीतील श्री निलमणी गणेश मंदीरातील श्री निलमणीच्या पार्थीव मुर्तीची स्थापना मिरवणूक पालखीतून काढण्यात आली. मिरवणुकीचा आरंभ श्री निलमणी गणेश मंडळाचे विश्वस्त गोविंद रसाळ यांनी श्रीफळ वाढवून केला. संस्कृती व परंपरेचे दर्शन घडविणाऱ्या या मिरवणुकीत मिरवणूक मार्गावर सुशोभित रांगोळी, पालखीच्या समोर चंद्र सूर्य व भगवा ध्वज (मानाची अब्दागिरी), सनई चौघडा व वाद्यवृंद लावण्यात आले. मिरवणुकीत शंखनादासह गणपती आगमनाच्या घोषणांनी परिसर दुमदुमला. मिरवणुकीच्या मुख्य मार्गावर श्री निलमणीच्या पार्थीव मुर्तीचे स्वागत करण्यात आले आणि सुवासिंनीद्वारे औक्षण करण्यात आले. पुरोहितांच्या मार्गदर्शनाने व वेदमंत्रांच्या घोषात गणेश भक्त सौ. भरत छाबडा यांच्या हस्ते मुर्तीची विधीवत स्थापना करण्यात आली.
स्थापना मिरवणुकीत श्री निलमणी गणेश सार्वजनिक ट्रस्टचे विश्वस्त अध्यक्ष, किशोर गुजराथी, सचिव नितिन पांडे, शेखर पांगुळ, गोविंद रसाळ प्रज्ञेश खांदाट, नारायणफुलवाणी, भिकाजी कुलकर्णी,आदी सह क्रांती आव्हाड संदीप सिनकर, रोहित कुलकर्णी, अक्षय सानप, अभिषेक पितृभक्त ,राहुल लांबोळे,सतीश शेकदार, सौरभ मुनोत, प्रतिक पांगुळ, अक्षय छाबडा, , किशोर आव्हाड, दिपक शिंदे नीलकंठ त्रिभुवन, अनंता कुळकर्णी, मनोज छाबडा चंद्रकांत परब, किरण त्रिभुवन राजाभाऊ गुप्ता यांच्यासह गणेशभक्त मोठ्या संख्येने या पालखी मिरवणुकीत सहभागी झाले. या मिरवणुकीत श्री मोरया वाद्यवृंद पारंपारिक पध्दतीने श्री निलमणी गणेश च्या पालखी सन्मुख वादनाची प्रात्यक्षिके सादर केली. दहा दिवस निलमणी गणेश मंदीरात दररोज सकाळी महाअभिषेक महाआरती सह भरगच्च धार्मिक कार्यक्रमांचे आयोजन करण्यात आले आहे. ट्रस्ट तर्फे यंदाही सामाजिक बांधिलकी जपत सलग 09 वर्षी शिल्लक औषध संकलन उपक्रम या उत्सव काळात राबविण्यात येणार आहे. पालखी मिरवणुकीचे नियोजन श्री निलमणी गणेश मंदीर सार्वजनिक ट्रस्टच्या विश्वस्त मंडळाने केले. पोलीस निरीक्षक विजय करे यांचे मार्गदर्शन पालखी मिरवणुकी दरम्यान चोख बंदोवस्त ठेवण्यात आला होता.
